楼主问左一个几得意既问题，小弟系呢方面知少少野，等我讲几句。 楼主所谓既“西方”系一个太笼统既名称，因为鬼佬有好多唔同既民族，每个民族既习惯都唔同，所以好难一概而论。但系一般黎讲，平民百姓一般会叫贵族做“Lord”，本来呢个字解“主人”，系以前仆人对主人既称呼，不过后来就变成左贵族既尊称。呢度所指既“贵族”其实无分啲咩阶级，只系平民对贵族一般既称呼。通常“Lord”呢个字都可以翻译成中文既“陛下”。 但系如果去到称呼比较高级既贵族同皇室成员就要讲究啲。通常对皇室成员，例如皇帝、皇后、皇子、公主等都要称呼佢地做“Highness”或“Majesty”。呢两个字大概可以译做“殿下”，不过佢地既用法都几讲究，实际上要点用小弟唔系好知，我只可以举两个例子。系电影“罗马假期”(Roman Holiday，港译“金枝玉叶”)入面，由柯德莉夏萍饰演既公主Ann，每次出场时，佢个管家都会称呼佢做“The Royal Highness Prinecess Ann”，大概可以翻译为“Ann公主殿下”。另外，英国海军每艘船既船名之前都有缩写“HMS”三个字母，佢地系“Her Majesty Ship”既简写，大概可以翻译为“皇帝陛下的船”。 系西方皇室，“Prince”及“Princess”系两个用得好广泛既名衔。呢两个字最原始既翻译系“王子”及“公主”，不过西方人无中国人咁巧立名目，总之如果一个人同皇室有啲关系，但佢又唔系皇帝或皇后，咁男既就系“Prince”，女既就系“Princess”。所以系西方皇室，无论皇子、皇兄弟、皇夫、驸马等都系“Prince”，中文一般译做“亲王”。另外以前德国皇室规定，任何伯爵或以上既贵族，即包括大公爵、公爵、侯爵、伯爵都可以称自己做“Prince”。而“Princess”则包括公主、太子妃、皇妃、郡主等，但当然唔包括皇后或女皇，因为皇后或女皇系“Queen”。 西方同中国一样，将要继承大统既皇子都有一个特别既称呼，中国叫“太子”，西方有一个好贴切既称呼，叫“Crown Prince”，即系带左皇冠既皇子，引申意思好明显就系太子。但系英国皇室会将太子封为“Prince of Wales”，即我地成日听到既威尔斯亲王。
Her Majesty's Ship（吾系Her Majesty Ship）系女皇陛下的船，His Majesty's Ship先至系皇帝陛下的船。
温馨提示：答案为网友推荐，仅供参考